Transcription
1
Monsieur, suyvant ce que je vous avoys adverti, je dinay hyer à Saynt-
2
Ysmier arrivay le mesme jour assés tard en ceste ville, et consequemment
3
ay differé jusques à ceste apresdiner vous escrire que j’ay receu la votre du
4
troysieme, ensemble la declaration de sa magesté soubz impresse, tochant la
5
liberté du commerce dans son royaume, et la letre à vous adressée
6
en date du XXIIe du passé sur mesme faict que j’ay estimé
7
devoyr demeyn, à l’entrée, comuniquer à messieurs de notre compagnie,
8
et delivrer ledit mandement au vibailyf pour le fayre publier et
9
charger noz grephiers d’en envoyer [autant] par toutz les balliages,
10
combien que cela ne serve guieres pour ce païs. J’en feray de
11
mesmes pour le regard de l’extraict de la letre du roy à vous escripte
12
tochant Romans et la defence de ne tumultuer par cy-après, mès
13
l’on ne verra ledit extraict qu’aynsi que je l’ay retranché et
14
dont je vous envoye une copie et surçoyeray [ ]
15
de mander ledit extraict et proclamation jusques à ce qu’il vous
16
aye pleu me mander si troverés bon qu’on supprime la fin
17
de ladite letre parlant de reduyre toutes choses à l’anciene religion,
18
non pas qu’il n’y aye des raysons qu’il porroyt profiter [de la]
19
publier, mays il me semble pour le present, à cause du [danger]
20
qu’il souffira de fère crier le surplus, car je ne [fais doute]
21
que dans deux jours après la crie, l’on en verra ung [ ] à
22
Geneve et puys plus oultre ; et sur ce je vous feray p[art de] ce
23
que Theseus a seue en plusieurs lieux, que les cantons [de la] novelle
24
opinion se sont declarés voloyr empecher la levée des Suisses pour le
25
roy, jusques à dire que si, nonobstant leur opposition, ilz veulent
26
marcher, l’on les combatra ; dont toutesfois ceulx qui m’escrivent de
27
Savoye ne touchent aulcunement. Si demeyn vous faictes response, cela
28
s’expediera mardy et aynsi n’y aura retardation que d’ung jour ;
29
me recommandant humblement cependant à votre bone grace et priant
30
le Createur,
31
Monsieur, vous voloyr doner en santé heureuse et longue vie. De
32
Grenoble, ce Ve octobre 1572,
33
Votre humble serviteur
34
G Deportes
35
Ayant faict toute diligence de trover quelcung qui alla à Laval et à faulte d’en trover, j’ay envoyé ce paquet au chevaucheur avec deux aultres paquetz, l’ung de monsieur de Mandelot, et l’aultre du Piemont.
36